Posted by મીઠાના પાણીથી રોજ જ નહાવાથી અનેક ગંભીર બીમારીઓ દૂર કરી શકાય છે. જો તમારા શરીરનો થાક ઉતરતો નથી તો તમે ગરમ પાણીથી નહાવાનું વિચારી શકો છો પણ જો તમે તેમાં થોડું મીઠું નાંખીને નહાવામાં આવે તો અનેક દર્દથી રાહત મળે છે. મીઠાના પાણીમાં સ્નાન બાદ ઓસ્ટિઆર્થરાઈટિસ અને ટેંડોન્ટિસથી રાહત મળે છે. આ સાથે જ જો તમને ખંજવાળ, અનિંદ્રા અને સ્કીન સંબંધી તકલીફ છે તો તમારી અનેક સમસ્યાઓ દૂર થઈ જાય છે.
મીઠામાં ઘણાં દ્રાવ્ય ખનીજ હોય છે જે આપણા શરીર માટે ખૂબ જ મહત્વપૂર્ણ છે. મીઠું આપણને સલ્ફર-કેલ્શિયમ, સોડિયમ, મેગ્નેશિયમ, સિલિકોન, બોરોન, પોટેશિયમ, બ્રોમિન અને સ્ટ્રોન્ટીયમ જેવા આવશ્યક ખનિજો પ્રદાન કરે છે. એટલું જ નહીં મીઠું વજન ઘટાડવામાં, ત્વચાને સુંદર બનાવવા, અસ્થમાને દૂર કરવામાં અને બ્લડ શુગરને નિયંત્રિત કરવામાં પણ મદદગાર છે. મીઠાના પાણીથી નહાવા માટે તમારે બીમાર રહેવાની જરૂર નથી. સ્વાસ્થ્યની સફાઇ અને જાળવણીની બાબતમાં પણ તે ખૂબ સારું છે.
રૂમેટાઈસ આર્થરાઈટિસમાં થશે ફાયદો
રૂમેટાઈસ આર્થરાઈટિસ એક સોજા સંબંધિત વિકાર છે. જેમાં ન સાંધા પર અસર કરે છે પણ શરીરના તંત્ર, ત્વચા, આંખો, લિવર, હાર્ટ અને લોહીની ધમનીઓ પર પણ ખરાબ અસર કરે છે. આ બીમારીને ઓછી કરવા માટે મીઠાના પાણીનો ઉપયોગ કરવામાં આવે છે.
શુષ્ક ત્વચામાંથી મળશે રાહત
મીઠાના પાણીથી નિયમિત સ્નાન કરવાથી ત્વચા શુદ્ધ થાય છે અને તે નરમ અને કોમળ બને છે. મીઠામાં સમાયેલ મેગ્નેશિયમ ત્વચામાં પાણીને લાંબા સમય સુધી જાળવી રાખે છે. આ ત્વચામાં ભેજનું સંતુલન રાખે છે અને ત્વચાને સજ્જડ બનાવે છે. આ માટે તમારે અડધો કપ દૂધનો પાવડર લેવો પડશે. અડધો કપ જેટલો એપ્સમ મીઠું ઉમેરો. આ સાથે તેમાં સૂકા ગુલાબનાં પાન ઉમેરો અને તેમાં બે થી ચાર ટીપાં આવશ્યક તેલ નાંખો. તેને 10 મિનિટ માટે નહાવાના પાણીમાં ભેળવી રાખો અને પછી તમારું નહાવાનું પાણી તૈયાર થઈ જાય છે.
પિંપલ્સથી પણ મળશે રાહત
એક કપ પાણીમાં એક ચમચી સમુદ્ર મીઠું નાખો અને રૂની મદદથી ચહેરાના અસરગ્રસ્ત ભાગ પર લગાવો. પરંતુ તમારા આહારનું પણ ધ્યાન રાખો. આ માટે, તમારે 2 ચમચી એપ્સમ મીઠું લેવું પડશે. હવે ગરમ પાણીમાં એપ્સમ મીઠું મિક્સ કરો અને તમારી આંખોને સુરક્ષિત કરતી વખતે તેને ચહેરાની આસપાસ ધીરે ધીરે લગાવો. થોડા દિવસો દરરોજ આમ કરવાથી પિંપલ્સ અને એક્નેમાંથી જલ્દીથી મુક્તિ મળશે.