Posted by ‘સિંઘમ’, ‘વોન્ટેડ’ જેવી ફિલ્મોમાં તેમની ભૂમિકા માટે જબરદસ્ત પ્રશંસા લૂંટનાર દિગ્ગજ અભિનેતા પ્રકાશ રાજે 11 વર્ષ પહેલા પોની વર્મા સાથે લગ્ન કર્યા હતા. આ સંબંધના 11 વર્ષ પૂરા થવા પર, અભિનેતાએ તેને એક અનોખી રીતે ઉજવ્યો છે. પ્રકાશ રાજે ફરી એકવાર તેની પત્ની પોની વર્મા સાથે પોતાના બાળકો સામે બીજી વખત લગ્ન કર્યા છે. આ લગ્નનું કારણ તેના બાળકો જ હતા અને તેમણે તેની સોશિયલ મીડિયા પોસ્ટમાં આ વાતનો ઉલ્લેખ કર્યો છે.
પોતાના સોશિયલ મીડિયા પર કેટલીક તસવીરો શેર કરતી વખતે, પ્રકાશ રાજે કહ્યું છે કે તેણે તેની પત્ની પોની વર્મા સાથે ફરી એક વાર લગ્ન કર્યા છે… કારણ કે તેમનો પુત્ર વેદાંત તેમને ફરીથી લગ્ન કરતો જોવા માંગતો હતો. પારિવારિક ક્ષણ .. આ તસવીરોમાં, પ્રકાશ રાજ તેમની પત્ની અને બાળકો સાથે જોવા મળે છે. એક તસવીરમાં અભિનેતા તેમની પત્નીને કિસ કરતા પણ જોવા મળે છે.
મંગળવારે પ્રકાશ રાજ અને પોની વર્માના લગ્નની વર્ષગાંઠ હતી. આ જ ઉજવણી કરતી વખતે, લખ્યું, ‘તે ખૂબ જ પરફેક્ટ હતું… મારા આવા સારા મિત્ર બનવા માટે… એક પ્રેમિકા અને અદ્ભુત સહ-પ્રવાસી બનવા બદલ મારી પ્રિય પત્નીનો આભાર.’
જણાવી દઈએ કે પ્રકાશ રાજ 45 વર્ષની ઉંમરે પત્ની પોની સાથે પ્રેમમાં પડ્યા હતા. તેણે 2010માં લગ્ન કર્યા. પ્રકાશ અને પોની એક ફિલ્મના સેટ પર મળ્યા હતા જ્યાં પોની તેમના એક ગીતને કોરિયોગ્રાફ કરી રહ્યા હતા. પ્રકાશ 2009માં તેની પ્રથમ પત્ની લલિતા કુમારીથી અલગ થઈ ગયા હતા. વર્ક ફ્રન્ટની વાત કરીએ તો, પ્રકાશ તાજેતરમાં મણિરત્નમની રિલીઝ થયેલી સીરિઝ નવરસામાં જોવા મળ્યા.