Posted by આજે રક્ષાબંધનનો તહેવાર છે. ભાઈ અને બહેન માટે આ દિવસ ખૂબ જ ખાસ છે. આજે અમે તમને એવા ભાઈ અને બહેનના સ્ટાર્ટઅપની કહાની જણાવી રહ્યા છીએ જેમણે બચતનાં નાણાંથી પોતાનો બિઝનેસ શરૂ કર્યો હતો અને આજે કરોડોમાં કમાણી કરી રહ્યા છે.
આ ભાઈ -બહેનની જોડી છે – આયુષ અને આંચલ પોદ્દાર. તેમનું ઈ-કોમર્સ સ્ટાર્ટઅપ ‘ધ મેસી કોર્નર’ છે. ભેટસોગોતો આપનારૂ આ સ્ટાર્ટ અપ મેસી કોર્નર ખુબ જાણીતુ છે. કોરોનાના કપરા સમય દરમિયાન, મુંબઈ સ્થિત આ સ્ટાર્ટઅપે નવીન રીતે તેના ઉત્પાદનો રજૂ કર્યા. આવો જાણો તેમની સફળતાની કહાની
10 લાખ રૂપિયામાં આ બિઝનેસ શરૂ કર્યો
મેસી કોર્નર (TMC) ની સ્થાપના 2015 માં ભાઈ આયુષ અને આંચલ પોદ્દાર દ્વારા કરવામાં આવી હતી. આયુષ 34 વર્ષનો છે અને મુંબઈ યુનિવર્સિટીમાંથી માર્કેટિંગમાં MBA કરેલ છે. તેની બહેન આંચલે યુકેની બાથ યુનિવર્સિટીમાંથી માર્કેટિંગમાં માસ્ટર્સ કર્યું છે. બંનેએ પોતાની બચતના નાણાંથી આ વ્યવસાય શરૂ કર્યો.
તેની શરૂઆત તેમના ઘરના ખૂણાથી કરી હતી. આંચલ કહે છે કે અમે અમારું સ્ટાર્ટઅપ ઘરેથી શરૂ કર્યું હતું . રૂમ સાફ કરવા માટે અમારી માતા અમારી સામે બૂમો પાડતી હતી અને અમે પ્રયત્ન કરતા હતા, પરંતુ થોડીવારમાં બધું ફરી વેરવીખેર થઇ જતુ તેથી અમે કંપનીનું નામ ‘ધ મેસ્સી કોર્નર’ રાખવાનું નક્કી કર્યુ. તે કહે છે કે અમે લગભગ 10 લાખ રૂપિયાના રોકાણથી અમારો વ્યવસાય શરૂ કર્યો છે. હાલમાં અમારી પાસે 20 લોકોની ટીમ છે.
વ્યવસાય કેવી રીતે થાય છે?
આ સ્ટાર્ટઅપ મુસાફરી, જીવનશૈલી, સ્ટેશનરી અને ટેક્નિકલ સામાન જેવી કેટેગરીમાં ઉત્પાદનો તૈયાર કરે છે. તેમના તમામ ઉત્પાદનોની કિંમત રૂ. 299 થી રૂ. 3,999 છે. આ સ્ટાર્ટઅપ તેના ઉત્પાદનોને ઘરની અંદર ડિઝાઇન કરે છે. મુંબઈ, દિલ્હી અને ચેન્નઈના સ્થાનિક બજારોમાંથી કાચો માલ સોર્સ કરવામાં આવે છે અને ઉત્પાદનો TMC ની વસઈ, મુંબઈમાં ફેક્ટરીમાં બનાવવામાં આવે છે. આયુષ અને આંચલના મતે, તેઓ વ્યક્તિગતકરણની ચાવી છે.
જ્યારે તેમની પાસે ઓર્ડર હોય ત્યારે તેઓ પ્રક્રિયા શરૂ કરે છે.
આજે કંપની પાસે લગભગ 1.5 લાખ યૂઝર છે. સ્ટાર્ટઅપે અત્યાર સુધીમાં બે લાખથી વધુ ઓર્ડર પૂરા કર્યા છે, જેમાં લગભગ ચાર લાખ વસ્તુઓ સામેલ છે. સ્થાપક દાવો કરે છે સ્ટાર્ટઅપે 2015 ના નાણાકીય વર્ષમાં 6 કરોડની આવક નોંધાવી હતી. નાણાકીય વર્ષ 2021 માટે 10-20 કરોડ રૂપિયાની આવક ઉભી કરવાનો લક્ષ્યાંક છે.