દુનિયાના એકમાત્ર એવા મંદિર વિશે જાણો જ્યાં ગણેશજી હાથી માં નહીં પણ માનવ ચહેરા માં છે.

દુનિયાના એકમાત્ર એવા મંદિર વિશે જાણો જ્યાં ગણેશજી હાથી માં નહીં પણ માનવ ચહેરા માં છે.

ભારતમાં એક મંદિર એવું છે જ્યાં ગણપતિની પ્રતિમા નર રૂપે સ્થાપિત કરવામાં આવી છે આ મંદિરમાં દર્શન કરવા માટે ભકતો દૂરદૂરથી આવે છે. સામાન્ય રીતે આપણે ગણેશજીના સ્વરૂપ ને જોયો છે અને દરેક મંદિરોમાં ગણેશજીના સ્વરૂપ ની પ્રતિમા સ્થાપિત કરવામાં આવી છે પરંતુ ભારતમાં આવેલું આ એકમાત્ર એવું મંદિર છે જ્યાં ગણેશજીની પ્રતિમા નર સ્વરૂપે સ્થાપિત કરવામાં આવી છે તો ચાલો જાણીએ આ મંદિર વિશે.

તમિલનાડુના કુટનૂરથી લગભગ બે કિલોમીટરના અંતરે તિલતપર્ણ પુરીમાં આદિ વિનાયકનું મંદિર છે જ્યાં ગણપતિ નર રૂપે બિરાજમાન છે. આ અનોખી પ્રતિમાના દર્શન કરવા ભક્તોની લાઈન લાગે છે. કહેવાય છે કે આ ભારતનું પહેલું મંદિર છે જ્યાં શ્રીગણેશ નર રૂપે બિરાજ્યા છે. સાથે જ આ દુનિયાનું એકમાત્ર મંદિર છે જ્યાં પાર્વતીનંદન ગજમુખાય નથી. આ મંદિર નરમુખાય તરીકે પણ ઓળખાય છે.

આ વાર્તા જાણો છો?

કહેવાય છે કે, એક વખત ભગવાન શિવે ક્રોધમાં આવીને ગણેશજીનું માથું ધડથી અલગ કરી દીધું હતું. ત્યારબાદ તેમના ધડ પર ગજરાજ (હાથી)નું માથું લગાવવામાં આવ્યું અને ત્યારથી જ દરેક ગજાનન મંદિરમાં પ્રતિમા આ સ્વરૂપે સ્થાપિત થઈ. આદિ વિનાયક મંદિરમાં આવેલી ભગવાન ગણેશની મૂર્તિ આ ઘટના પહેલાની છે.જો કે આદિ વિનાયક મંદિરમાં નર રૂપમાં ગણેશજીની પ્રતિમા સ્થાપિત કરવા પાછળનું કારણ ખબર ન હોવાથી લોકોમાં આ મંદિર અચરજનું કારણ બન્યું છે.

પિતૃઓની શાંતિ માટે પૂજન

આદિ વિનાયક મંદિરમાં ભગવાન રામે રાજા દશરથના મૃત્યુ બાદ તેમની આત્માની શાંતિ માટે પૂજા કરી હતી. ત્યારથી જ આ મંદિરમાં લોકો પિતૃતર્પણ માટે આવે છે. આ જ કારણે આ મંદિરને તિલતર્પણપુરી નામે ઓળખવામાં આવે છે. સામાન્ય દેખાતા આ મંદિરમાં ભક્તોની ખૂબ આસ્થા રહેલી છે. તિલતર્પણપુરી શબ્દમાં તિલતર્પણનો અર્થ પિતૃઓને સમર્પિત અને પુરીનો મતલબ શહેર. મંદિર પરિસરમાં ગણેશજીની સાથે શિવનું મંદિર પણ આવેલું છે.

bhumi pandya

Leave a Reply

Your email address will not be published. Required fields are marked *