Posted by વર્ષ 2021 સમાપ્ત થવાના આરે છે અને નવુ વર્ષ શરૂ થવામાં આશરે અઠવાડિયુ બાકી છે. હવે બાકી વધેલા દિવસોમાં તમારે જે અગત્યના કામ છે તે તાત્કાલિક પતાવી લો. નહીંતર નવા વર્ષે તમે મુશ્કેલીમાં ફસાઈ શકો છો.ઉલ્લેખનીય છે કે, ઈપીએફ એકાઉન્ટમાં ઈ-નોમિની નોંધવાથી લઇને આઈટીઆર ફાઈલ કરવાની અંતિમ તારીખ 31 ડિસેમ્બર 2021 છે. આવો જાણીએ, 31 ડિસેમ્બર પહેલાં તમારે ક્યા કામ પતાવવા જરૂરી છે.આઈટીઆર રિટર્ન દાખલ કરવુ :સરકારે નાણાંકીય વર્ષ 2020-21 માટે આવક વેરા રિટર્ન દાખલ કરવાની સમય મર્યાદાને 31 ડિસેમ્બર 2021 સુધી વધારવામાં આવી હતી કેન્દ્ર સરકારે નવા ઈન્કમ ટેક્સ પોર્ટલ પર આવી રહેલી પરેશાની અને કોરોના વાયરસને કારણે ડેડલાઈનને આગળ વધારી હતી. હવે કરદાતાઓએ 31 ડિસેમ્બર સુધી પોતાનું આઈટીઆર ફાઈલ કરવુ પડશે. જેના કારણે તેઓ દંડથી બચી શકે.
પેન્શન માટે લાઈફ સર્ટીફિકેટ જમા કરવુ :જો તમે પણ પેન્શન ધારકોની શ્રેણીમાં આવો છો તો તમારે 31 ડિસેમ્બર સુધી પોતાનુ લાઈફ સર્ટીફિકેટ જમા કરવાનુ છે. પેન્શન ધારકો 31 ડિસેમ્બર સુધી સર્ટીફીકેટ જમા કરાવી દે. નહીંતર તેમને પેન્શન મળવાનુ બંધ થઇ જશે વર્ષમાં એક વખત પેન્શન ધારકોને પોતાના જીવતા હોવાનું પ્રમાણ એટલેકે લાઈફ સર્ટીફીકેટ 30 નવેમ્બર પહેલાં જમા કરાવવાનુ હોય પરંતુ આ વખતે આ ડેડલાઈન 31 ડિસેમ્બર સુધી વધારી દેવામાં આવી છે. લાઈફ સર્ટીફિકેટ જમા કરાવવાથી ખબર પડશે કે પેન્શન મેળવનાર વ્યક્તિ જીવતો છે કે નહીં.આધારને યુએએન સાથે લિન્ક કરવુ :કર્મચારી ભવિષ્ય નિધિ સંગઠન (ઈપીએફઓ) સભ્યોએ યુએએન નંબરને આધાર કાર્ડ સાથે લિન્ક કરવાનુ છે. યુએએનને આધાર સાથે લિન્ક કરાવવાની અંતિમ તારીખ 31 ડિસેમ્બર છે. ઈપીએફઓ રોકાણકારોએ આધાર લિન્ક કરાવવુ જરૂરી થયુ છે. જો તમે આવુ નથી કરતા તો આગામી દિવસોમાં મુશ્કેલી પડી શકે છે અને પીએફ ખાતુ બંધ પણ થઇ શકે છે.
ડીમેટ-ટ્રેડીંગ એકાઉન્ટની કેવાઈસી :સિક્યોરિટી અને એક્સચેન્જ બોર્ડ ઓફ ઈન્ડિયાએ ડીમેટ અને ટ્રેડિંગ ખાતાની કેવાઈસી કરાવવાની અંતિમ તારીખ 30 સપ્ટેમ્બર 2021થી વધારીને 31 ડિસેમ્બર 2021 કરી હતી. એક ડીમેટ અને ટ્રેડીંગ એકાઉન્ટમાં કેવાઈસી હેઠળ નામ, સરનામું, પાન કાર્ડ નંબર, ચાલુ મોબાઈલ નંબર, આવક, ઉંમર, સાચી ઈ-મેલ આઈડી જેવી માહિતીઓ અપડેટ કરવાની હોય છે.31મી ડિસેમ્બર આડે હવે માત્ર 7 દિવસ બાકી છે અને આ બાકીના માત્ર જ 7 દિવસોમાં સામાન્ય લોકોએ જ કેટલાક મહત્વપૂર્ણ કામ કરવા પડશે. જો તમે આ કામો નિશ્વિત તારીખ પહેલા પૂરા નહીં કરો તો તમારે નુકસાન ભોગવવું પડી શકે છે. EPF એકાઉન્ટ અને નોમિનેશનમાં ઇ-નોમિનીના રજીસ્ટ્રેશનથી ITR ફાઇલ કરવાની છેલ્લી તારીખ 31 ડિસેમ્બર 2021 છે. ચાલો જાણીએ કે તમારે 31 ડિસેમ્બર પહેલા કયા કામ પૂરા કરવા જરૂરી છે.
31મી ડિસેમ્બર સુધી ઓછા વ્યાજે મળશે હોમ લોન :જો તમે બેંક ઓફ બરોડા (BoB) ના ગ્રાહક છો, તો તમે 31 ડિસેમ્બર સુધી સસ્તી હોમ લોનનો લાભ લઈ શકો છો. ફેસ્ટિવ સિઝનમાં, BoBએ હોમ લોનનો દર ઘટાડીને 6.50 ટકા કર્યો હતો, જે 31 ડિસેમ્બર સુધી ઉપલબ્ધ હતો.અટકી શકે છે તમારા પૈસા :EPFO મુજબ, જો તમે નોમિની સિલેક્શન નહીં કરો, તો તમારું ફંડ અટકી શકે છે. તમને જણાવી દઈએ કે EPFOએ ગયા વર્ષે આ સર્વિસ શરૂ કરી હતી. પરંતુ ખાતાધારકોએ નોમિનેશન પ્રોસેસ પૂર્ણ કરી નથી. પરંતુ, હવે EPFOઆમાં નવું પ્લાનિંગ કરી રહ્યું છે. આ હેઠળ, જો કોઈ એકાઉન્ટ હોલ્ડર તેના પીએફ ખાતામાં નોમિની ઉમેરશે નહીં, તો તે પીએફની રકમ ઉપાડી શકશે નહીં. આ સાથે, કોઈપણ ક્લેમનું સેટલમેન્ટ થશે નહીં. ક્લેમ કરતા પહેલા ઈ-નોમિનેશન ફરજિયાત છે.
7 લાખની સુવિધા છે ઉપલબ્ધ :EPFO સભ્યોને એમ્પ્લોયી ડિપોઝિટ લિંક્ડ ઈન્સ્યોરન્સ સ્કીમ (EDLI Insurance cover) હેઠળ ઇન્શ્યોરન્સ કવરની સુવિધા પણ મળે છે. સ્કીમમાં, નોમિનીને મહત્તમ રૂ. 7 લાખનું ઇન્શ્યોરન્સ કવર ચૂકવવામાં આવે છે. જો કોઈ પણ નોમિનેશન વિના સભ્ય મૃત્યુ પામે છે, તો ક્લેમની પ્રક્રિયા કરવામાં મુશ્કેલીઓ આવે છે. તો ચાલો જાણીએ ઓનલાઈન નોમિનેશન કેવી રીતે ભરવું.
આ રીતે થઈ શકે છે ઈ-નોમિનેશન
- તમારે પહેલા EPFOની ઓફિશિયલ વેબસાઇટ https://www.epfindia.gov.in/ પર જવું પડશે.
- અહીં તમારે પહેલા ‘Services’ ઓપ્શન પર ક્લિક કરવાનું રહેશે.
- આ પછી તમારે અહીં ‘For Employees’ પર ક્લિક કરવાનું રહેશે.
- હવે ‘મેમ્બર UAN/ઓનલાઈન સર્વિસ (OCS/OTCP)’ પર ક્લિક કરો.
- હવે UAN અને પાસવર્ડ નાખીને લોગ ઇન કરો.
- આ પછી ‘મેનેજ’ ટેબમાં ‘ઈ-નોમિનેશન’ પસંદ કરો.
- આ પછી સ્ક્રીન પર ‘એડ ફેમિલી ડિટેલ્સ’ ટેબ દેખાશે, ‘સેવ’ પર ક્લિક કરો.
- ફેમિલી ડિક્લેરેશન અપડેટ કરવા માટે ‘યસ’ પર ક્લિક કરો.
- હવે ‘Add Family Details’ પર ક્લિક કરો. એક કરતાં વધુ નોમિની પણ એડ કરી શકાય છે.
- કયા નોમિનીના શેરમાં કેટલી રકમ આવશે તે જાહેર કરવા માટે ‘નોમિનેશન ડિટેલ્સ’ પર ક્લિક કરો. ડિટેલ્સ એન્ટર કર્યા પછી ‘સેવ’ કરો.
- ‘EPF નોમિનેશન’ પર ક્લિક કરો.
- OTP જનરેટ કરવા માટે ‘e-Sign’ પર ક્લિક કરો. OTP આધાર સાથે લિંક કરેલા મોબાઈલ નંબર પર મોકલવામાં આવશે.
- નિર્ધારિત સ્પેસમાં OTP એન્ટર કરો અને સબમિટ પર ક્લિક કરો.